Ang gusto ko sa babae
Ay yung kayang tanggapin ako
Magmamahal sa’kin kahit wala akong silbe
Yung tipong tutupad sa pangako

Ang babaeng ipinagmamalaki ako
Kahit sa totoo’y walang kwenta ako
Ang babaeng simple, pero naiiba
At hindi ako basta ikahihiya sa iba.

Ang babaeng talagang mailap mahanap sa mundo
Ang babaeng, pag nahanap mo naman, eh di naman sa’yo
Sadyang mahirap maghanap ng babaeng ganito
Sapagkat madalas, nagpapabulag tayo

Napupukaw ng kagandahan ang isipan
Kaya ang babaeng hinahanap natatakpan
Di na masulyapan
Di na yata magigisnan